SA soldaat sterf in Mosambiek
2010-10-26 14:00
Johannesburg - Suid-Afrika se weermag sê twee van sy soldate het in Mosambiek afgedwaal en in 'n skietery met burgerlikes in dié land betrokke geraak.
Drie mense is dood.
Siphiwe Dlamini, woordvoerder van die departement van verdediging, het gesê Maandag se skietery word deur die Suid-Afrikaanse en Mosambiekse owerhede ondersoek.
Dlamini het gesê 'n Suid-Afrikaanse soldaat, 'n Mosambiekse dorpenaar en 'n derde Mosambieker wat se identiteit nie bevestig is nie, is dood.
Hy het gesê dit is nie duidelik hoekom die Suid-Afrikaanse soldate, wat by die grenspos patrolleer het, 'n paar meter in Mosambiek beland het nie.
Dlamini het gesê die oorlewende Suid-Afrikaanse soldaat word ondervra.
Volg Nuus24 op Twitter
- AP
