SA-onderhandelaars wil Zim-regering salf smeer
2009-12-01 14:46
Harare – ‘n Nuwe Suid-Afrikaanse onderhandelingspan het sy eerste reeks gesprekke met pres. Robert Mugabe van Zimbabwe gevoer in ‘n poging om verskille in die gespanne eenheidsregering op te los.
“President Robert Mugabe het gister die Suid-Afrikaanse onderhandelspan ontmoet,” het die Herald-koerant berig.
Die onderhandelaars, wat Lindiwe Sisulu, minister van verdediging en militêre veterane, insluit, het Mugabe by sy regeringskantore ontmoet.
Zuma het verlede week die nuwe span aangekondig wat die streeksonderhandelinge sal behartig. Dié rol is voorheen deur oudpres. Thabo Mbeki vervul.
Die span het ook onderhandelaars van Mugabe se Zanu-PF party, asook premier Morgan Tsvangirai se Movement for Democratic Change (MDC), ontmoet, het die Herald verder berig.
Die eenheidsregering wat in Februarie tot stand gebring is, was deurtrek met dispute en het daartoe gelei dat Tsvangirai die kabinet in Oktober vir drie weke geboikot het.
Streeksleiers van die Suider Afrikaanse Ontwikkelingsgemeenskap (SADC) het Zuma aangestel om die partye te help om hul verskille oplos.
Van die kwessies wat ter sprake is, is die aanstelling van die goewerneur van die reserwebank asook die prokureur-generaal.
- AFP