SA moet druk op Soedan plaas – Amerika
2012-01-18 15:00
Kartoem – Amerika het 'n beroep op Suid-Afrika gedoen om te help om ‘n humanitêre krisis in Soedan te voorkom.
Princeton Lyman, ‘n spesiale Amerikaanse gesant oor Soedan, het Woensdag in Suid-Afrika gesê dat burgerlikes wat in die gevegte in Soedan se Blue Nile- en Suid-Kordofan-state vasgevang is, nie toegang tot kos en medisyne het nie.
Lyman het gesê Suid-Afrika moet druk op Soedan plaas om internasionale humanitêre agentskappe in die land toe te laat.
Lyman het gesê hy vrees “die vooruitsig dat honderde duisende mense moet doodgaan omdat hulle geen toegang tot kos of medisyne het nie.”
Gevegte tussen die Soedannese weermag en rebelle wat die regering wil omverwerp, het verlede jaar in die twee state begin.
– Volg Nuus24 op Twitter.
- Sapa - AP