Rwandese verdagte in SA
2010-03-11 12:50
Londen – Een van Rwanda se top-diplomate het gesê hulle het druk op Suid-Afrika geplaas om ‘n generaal uit te lewer wat daarvan verdink word dat hy Rwanda wou destabiliseer.
Louise Mushikiwabo, minister van buitelandse sake, het gesê daar is ernstige aanklagtes teen lt. genl. Kayumba Nyamwasa, wat glo in Suid-Afrika is.
Sy het Woensdag in Londen gesê dat Nyamwasa daarvan verdink word dat hy Rwanda wou destabiliseer terwyl hy nog in die land was, en ook terwyl hy in Indië was, waar hy onlangs as ‘n ambassadeur diens gedoen het.
Daar is glo betroubare inligting wat kan bewys dat Nyamwasa en nog ‘n verdagte betrokke was.
Die Rwandese regering het hom daarvan beskuldig dat hy betrokke was by ‘n reeks bomontploffings wat op 19 Februarie in Rwanada se hoofstad plaasgevind het. Een persoon is dood in die aanvalle wat in Kigali plaasgevind het, en 30 ander beseer.
- Sapa