Rwandese regering verwerp sluipmoord-aantyging
2010-06-20 17:15
Kigali – Rwanda se minister van buitelandse sake het alle aantygings dat die Rwandese regering verantwoordelik is vir die aanval op Faustin Kayumba Nyamwasa, verwerp.
Rosetta Nyamwasa het gesê sy is oortuig dat President Paul Kagame verantwoordelik is vir die sogenaamde sluipmoord-aanval op haar man, ‘n voormalige kaptein van die Rwandese leër.
“Dit is absurd,” het Louise Mushikiwabo, minister van buitelandse sake, gesê.
“Ons is nie die tipe regering wat ‘n sluipmoordaanval op een van sy eie burgers sal uitvoer nie,” het hy gesê.
Mushikiwabo het bygevoeg dat dit veels te vroeg is om spekulasies omtrent die voorval te maak.
Volg Nuus24 op Twitter.