Rwanda verwelkom DRK-ambassadeur
2009-07-23 12:12
Kigali, Rwanda - Rwanda het die nuwe ambassadeur vir die Demokratiese Republiek van die Kongo (DRK), meer as 10 jaar na die twee nasies diplomatieke bande afgebreek het, aanvaar.
Rwanda het in ‘n verklaring gesê ‘n paneel van ministers, onder leiding van pres. Paul Kagame, het Woensdag ooreengestem om Norbert Nkulu Kilombo Mitumba as die DRK se top diplomaat in die Rwandese hoofstad Kigali, te aanvaar.
Rwanda het in Mei vanjaar Amandin Rugira as hulle ambassadeur in die DRK se hoofstad, Kinshasa, aangestel.
Dié buurlande het vir die eerste keer sederd Augustus 1998, toe Rwanda guerrillavegters van die DRK ondersteun het, weer bande gesmee.
In Januarie vanjaar het Rwanda en die DRK ‘n gesamentlike millitêre veldtog teen rebelle in die suide van die DRK, waarvan sommiges by die 1994 Rwanda volksmoorde betrokke was, geloods.
-Sapa