Rwanda van martelings beskuldig

2012-10-08 13:25

Nairobi – Amnestie Internasionaal het Maandag vir Rwanda gevra om die onwettige aanhouding van burgerlikes te staak en om ondersoek in te stel.

Dít volg ná bewerings van marteling aan die lig gekom het. 

Amnestie Internasionaal beweer hy het bewyse dat Rwanda se sekuriteitsmagte plaaslike burgers onwettig aanhou en martel.

Amnesti het ook in ‘n verslag gevra dat Rwanda bekend moet maak wat met mense gebeur het wat "gedwing was om te verdwyn".

Rwanda se departement van justisie het egter die verslag veroordeel en gesê dat die verslag hersien moet word en dat alle aantygings van martelings ernstig opgeneem word.

Louise Mushikiwabo, Rwanda se minister van buitelandse sake, het Vrydag op Twitter gesê Rwanda sal teen alle geloofwaardige aantygings van marteling optree, maar dat hulle nie in ‘n bekgeveg met ‘n nie-regeringsorganisasie gaan betrokke raak nie.

– Volg Nuus24 op Twitter

- Sapa - AFP