Rwanda se stemme word getel
2010-08-09 22:45
Kigali – Die stembusse in Rwanda se presidentsverkiesing het gesluit en daar is begin met die tellery.
Vanjaar se verkiesings was slegs die tweede sedert die volksmoord van 1994 in Rwanda.
President Paul Kagame, wat al vir 16 jaar aan bewind is, het die verkiesings as demokraties bestempel ten spyte van gerugte deur teenstaanders dat hul van die verkiesings uitgesluit is.
Drie van Kagame se teenstanders het gekla dat hulle van die verkiesing uitgesluit is, maar hy het dit ontken.
Kegame het Maandag gesê hy glo hy sal 'n oorweldigende meerderheid behaal.
- SAPA