Reeksmoordenaar kry doodstraf

2011-04-01 23:00

Mbabane - Die veroordeelde moordenaar, David Simelane, is in Swaziland die doodstraf opgelê.

Hy is vroeër skuldig bevind aan die moord op 28 mense, onder wie die meeste vroue en kinders.

Regter Jacobus Annandale het Simelane ter dood veroordeel, nege dae nadat hy skuldig bevind is.

Geen teregstellings is sedert 1983 in Swaziland uitgevoer nie. Simelane se prokureur sê sy kliënt sal appelleer teen die uitspraak en die vonnis.

Volg Nuus24 op Twitter.

- SAPA