Rebelle wis nie hoe Gaddafi se seun kon ontsnap
2011-08-23 12:15
Tripoli – Waheed Burshan, die leier van Libië se Nasionale Oorgangsraad (NTC), het Dinsdag gesê hy kan bevestig dat Saif al-Islam, Muammar Gaddafi se seun, in hegtenis geneem is, maar dat hy nie kan verstaan hoe hy ontsnap het nie.
“Ons het gehoor dat hy ontsnap het. Ons kan dit nie op enige manier bevestig nie. Daar was aan my persoonlik gesê dat hy in hegtenis geneem is,” het Burshan gesê.
“Ons weet nie wat gebeur het nie. Was dit die gebrek aan ervaring van ons vegters? Die liggelowigheid van ons jeuglede?” het hy gevra.
Hy het gesê dat die NTC nie dieselfde struktuur as die Gaddafi-magte het nie.
“Die enigste ding wat ek wel verstaan, is dat hy op 'n stadium aangehou was en toe skielik in die stad rondgehardloop het.
“Wat tussen in gebeur het, weet ek nie.”
Intussen het verskeie onbevestigde bronne beweer dat Saif by 'n versteekte deur in die plek waar hy aangehou is, uitgesluip het om te ontsnap.
– Kliek hier om na die video te kyk.
– Volg Nuus24 op Twitter.