Rebelle sê Gaddafi-familie moet terug van Algerië

2011-08-30 08:11

Tripoli – Die leierskap van die Libiese rebelle gaan 'n versoek aan Algerië rig dat kol. Muammar Gaddafi se vrou en kinders na Libië teruggestuur word, het RSG berig.

Die Nasionale Oorgangsraad het gereageer nadat Algerië bevestig het dat Gaddafi se vrou en drie van sy kinders oor die grens gevlug het.

Die verklaring het geen verdere inligting bekendgemaak oor waar Gaddafi of enige van sy vier seuns is nie.

Niemand is seker waar Gaddafi homself bevind nie maar volgens berigte is hy in die stad Bani Walid, suid van Tripoli.

– Volg Nuus24 op Twitter.

– RSG