Nege uit 10 Zim-vlugtelinge in SA
2010-06-18 23:30
Harare - Die Verenigde Nasies se vlugtelingagentskap (UNHCR) het Vrydag gesê Zimbabwiërs is bo aan die lys van mense wat vlugtelingstatus oorsee soek.
Volgens die UNHCR toon sy jongste verslae dat 158 200 Zimbabwiërs verlede jaar van die land se onsekere politieke en ekonomiese omstandighede probeer vlug het deur vir vlugtelingstatus aansoek te doen.
In vergelyking het sowat 48 600 mense van Mianmar, ook bekend as Burma, aansoek gedoen vir vlugtelingstatus.
Onder Mianmar was daar 39 000 Afghane, 39 000 Colombiane en 37 900 Somaliërs.
Volgens die verslag het nege uit elke 10 Zimbabwiërs wat vlugtelingstatus soek, skuiling in Suid-Afrika geneem.
Volg Nuus24 op Twitter.
- SAPA