Pres van Soedan in Chad en nie agter tralies
2010-07-22 08:46
N’Djamena – Chad het Woensdag gesê hy sal nie pres. Omar Hassan Al-Bashir van Soedan in hegtenis neem nie.
Al-Bashir het Woensdag in die land aangekom vir sy eerste besoek aan ’n lidland van die internasionale strafhof, wat sy uitlewering eis sodat hy op aanklagte van volksmoord tereg kan staan.
“El-Basjir het vir die stateberaad gekom en sal veilig en onaangeraak huiswaarts keer,” het Ahmat Mahamat Bachir, Chad se minister van binnelandse sake en veiligheid, gesê.
Die internasionale strafhof het Chad versoek om Al-Bashir in hegtenis te neem.
Volg Nuus24 op Twitter.
- Reuters