Polisie lê beslag op plofstof
2010-02-18 05:29
Rafah – Die Egiptiese polisie het beslag gelê op meer as 3 ton plofstof wat na die Gasa-strook toe gesmokkel sou word.
Sekuriteitsbeamptes het Dinsdag die trinitrotolueen (TNT), in 79 groot sakke naby die Rafah-grens gekry, wat met Gasa kruis.
Die plofstowwe sou deur een van die talle ondergrondse tonnels tussen Gasa en Egipte gesmokkel word.
Kaïro wil graag die tonnels toemaak wat hoofsaaklik gebruik word om kos en ander goedere na die armoedige Palestynse grondgebied te stuur.
Dié gebied is onder blokkade sedert die Islamitiese Hamas-beweging dit in 2007 oorgeneem het.
- Sapa-AFP