Opposisie beskuldig president van bedrog
2011-10-10 21:58
Douala – Opposisiekandidate in die Kameroense verkiesing het Maandag, ‘n dag na die verkiesing, gesê daar is gerugte van bedrog en intimidasie by die verkiesingsbusse.
President Paul Biya, wat reeds vir bykans 30 jaar die land regeer, het die grondwet verander sodat hy vir nog ‘n termyn kon meeding.
Die voorspelbaarheid van die verkiesing het die opkoms van kiesers aansienlik minder gemaak, maar die opposisie reken van hulle ondersteuners is verjaag by die stembusse.
Momo Jean de Dieu, een van die 22 kandidate, het gesê hy het gehoor dat die stembokse nie behoorlik geseël was nie en dat enigiemand dit vol stemme kon prop. Stemblaaie is ook glo by die stembusse vermis.
Albert Dzongang, nog ‘n kandidaat, het gesê hy kon nie eers vir homself stem nie want sy naam was nie op die kieserslys gewees nie.
Biya (78) het die kritiek van die hand gewys en gesê “dat volmaaktheid nie deel van die wêreld is nie.”
“Almal moet geduld met die verkiesingskommissie hê wanneer dit by eindelike foute kom. Daar was nooit enige planne vir bedrog nie. Ons staan vir ‘n deursigtige en vrye verkiesing,” het hy gesê.
– Volg Nuus24 op Twitter.
- Sapa - AP