Ontvoerders se lyke lê buite Nigeriese polisiestasie
2011-10-28 12:01
Eket – Nigeriese owerhede het Donderdag die lyke van sewe vermeende ontvoerders, wat tydens ‘n skietgeveg doodgeskiet is, buite ‘n polisiestasie gelos vir mense om na te kyk.
Honderde mense het na die lyke gaan kyk – wat basies net in hulle onderklere was – in Eket in die Akwa Ibom-staat in die suide van Nigerië.
Daar is nie veel bekend gemaak oor hoe hulle dood is of wat hulle misdade was nie.
“Ek het gehoor dat hulle gekonfronteer is deur polisiebeamptes wat mense probeer red het,” het Solomon Arase, die staatspolisiekommissaris, aan AFP gesê.
“Daar was ‘n skietgeveg tussen die polisie en die ontvoerders en dit is hoe hulle dood is.”
Hy het gesê die mense “is nie uitgestal nie".
"Die polisie was besig om wettige dokumente voor te berei voordat die lyke vir nadoodse ondersoeke na die lykhuis geneem is.”
– Volg Nuus24 op Twitter.
- Sapa - AFP