Ontvoerde Chinese werkers steeds gevange gehou
2012-01-31 19:45
Soedan – Nie een van die 29 Chinese werkers wat ontvoer is tydens 'n aanval in Soedan is nog bevry nie, het die Chinese staatsmedia Dinsdag berig en gerugte ontken dat van die werkers al vrygelaat is.
Die werkers is Saterdag deur militante ontvoer.
Die staatsmedia in Soedan het Maandag berig dat 14 werkers vrygelaat is, maar die amptelike nuusagentskap Xinhua het berig al 29 werkers word steeds gevange gehou.
Volgens Xinhua is 47 Chinese werkers tydens die aanval in die Suid-Kordofan streek van Soedan gevang. Nege-en-twintig werkers is gevange geneem, terwyl 18 gevlug het.
Die ministerie van buitelandse sake het Dinsdag gesê 'n groep is intussen na Soedan gestuur om te help met die bevryding van die werkers.
– Volg Nuus24 op Twitter.
- Sapa - AP