Onnies hang hulself oor kompetisie
2011-09-17 17:58
Tunis – Vyf Tunisiërs het hulself probeer hang na hulle misluk het in ‘n kompetisie om as onderwysers aangestel te word, berig plaaslike media.
Die vyf onderwysers het hulself buite die plaaslike hoofkwartier van die onderwysdepartement met toue aan hul nekke probeer hang, het ‘n ooggetuie, Rachid Jabbari, gesê.
‘n Skare mense het die vyf gered en na ‘n hospitaal geneem, het hy gesê.
“Hulle was desperaat,” het Jabbari gesê. “Die kompetisie was hul laaste kans.”
Jabbari het gesê die vyf is almal werkloos en in hul 40’s.
Hul werkaansoeke het tydens die regime van die voormalige Egiptiese leier Zine El Abidine Ben Ali glo gereeld misluk.
– Volg Nuus24 op Twitter.
- Sapa - AFP