Olie vloei in Libië
2011-11-25 13:22
Tripoli – ‘n Voormalige Libiese minister het gesê die land se olieproduksie is spoedig aan die groei en dat daar tans 600 000 vate per dag produseer word.
Ali Tarhouni, wat as die minister van olie en finansies tydens die burgeroorlog gedien het, het gesê hy verwag dat produksie binne die volgende paar dae op 700 000 vate per dag te staan gaan kom.
Tarhouni het nie sy posisie behou nadat die oorgangsregering Donderdag ingesweer is nie, maar hy werk steeds in die departement van olie en finansies.
Hy het aanvanklik gehoop dat Libië in staat sou wees om teen Mei volgende jaar 1.6 miljoen vate per dag te produseer, maar het Donderdag gesê die land sal waarskynlik gouer daardie mylpaal bereik.
– Volg Nuus24 op Twitter.
- Sapa - AP