Obama waarsku Afrika
2010-07-14 13:48
Washington - Die Amerikaanse president, Barack Obama, het ná die bomaanvalle in Uganda gesê groepe soos Shebab en Al-Kaïda ag nie lewens in Afrika as waardevol nie en sien dié kontinent as 'n plek om onskuldige mense dood te maak.
Obama het tydens 'n onderhoud wat die SABC vroeg Woensdag uitgesaai het, direk gemik na die motiverings van ekstremiste op die kontinent.
"Wat julle in sommige verklarings van die terroriste-organisasies gesien het, is dat hulle nie lewens in Afrika as waardevol ag nie," het Obama gesê.
"Hulle sien dit as 'n potensiële plek waar jy ideologiese stryde kan voer wat die lewens van onskuldige mense eis sonder om aan die langtermyn gevolge te dink vir hul korttermyn taktiese gewin."
Volg Nuus24 op Twitter
- Sapa - AFP