Nuwe wet kan Zim-ekonomie laat vou

2012-07-27 20:17

Nyanga, Zimbabwe – Die hoof van die Zimbabwiese Sentrale Bank het Vrydag gewaarsku dat die land se wankelrige ekonomie moontlik heeltemal kan vou indien die regering voortgaan met die beplande beslaglegging op meerderheidsbelange in buitelandse banke.

“Die implementering van die wet op verinheemsing en ekonomiese bemagtiging in die bankwese, moet gedoen word op 'n manier wat nie afbreuk doen aan vertroue nie aangesien enige negatiewe ontwikkelinge in die banksektor ekonomiese aktiwiteite in die land tot stilstand kan dwing,” het Gideon Gono gesê.

Hy was besig om ’n toespraak aan sakelui te lewer gedurende die jaarlikse kongres van die Confederation of Zimbabwe Industries by Nyanga, ‘n vakansiedorp in die ooste van die land.

In 2007 het Zimbabwe 'n wet van krag gemaak wat alle buitelandse banke dwing om die meerderheid van hulle aandele aan Zimbabwiërs beskikbaar te stel.

– Volg Nuus24 op Twitter.
 

- SAPA