Nuwe olieveld in Uganda ontdek
2009-08-07 11:33
Kampala – Die Britse oliemaatskappy Tullow Oil het Donderdag gesê hulle het ‘n nuwe olieveld in Uganda ontdek.
Dié olieveld, wat in die Victoria Nyl-delta aan die Noordelike kus van Lake Albert geleë is, kan omtrent 50 miljoen vatte olie produseer.
"Die presiese syfers is nog nie bekend nie maar ons kyk na tussen 20 miljoen en 50 miljoen vatte” het Andy Demetriou, ‘n woordvoerder vir die maatskappy gesê.
Die nuwe ontdekking is deel van Tullow se Ngara-1 blok, wat aan die noordelike gedeelte van dié varswatermeer wat op die grens met die Demokratiese Republiek van die Kongo (DRK) geleë is, gedril het vir olie.
- AFP