Nuwe grensposte kom tussen Zim en SA
2010-12-04 03:15
Kaapstad – Twee nuwe grensposte tussen Suid-Afrika en Zimbabwe word beplan om die druk by die Beitbruggrenspos te verlig.
Die nuwe grensposte sal na verwagting die beweging van mense, goedere, en dienste tussen die twee lande vergemaklik.
Die aankondiging is na die afsluiting van die Gesamentlike Kommissie oor Verdediging en Veiligheid tussen die twee lande gedoen.
Die vyfde sessie van die kommissie is in Durban gehou waar die Minister van Verdediging, Lindiwe Sisulu, die Suid-Afrikaanse afvaardiging gelei het.
Tegniese spanne oor die oorgrens-kruisings sal na verwagting hulle oorlegpleging afhandel en hulle aanbevelings teen die einde van Maart aanstaande jaar indien.
– RSG
Volg Nuus24 op Twitter