Noodtoestand in Egipte verby
2011-08-12 22:57
Kaïro – Die noodtoestand wat in Egipte uitgeroep is, is iets van die verlede, het dié land se kabinet besluit.
Die kabinet het in ‘n verklaring gesê daar is “besluit... om die nodige stappe te neem om die noodtoestand te beëindig.”
Die amptelike Al-Ahram-koerant het berig dat Ali al-Silmi, die adjunk-premier, gesê het die kabinet “ondersoek moontlike maniere om die nodige besluite te implementeer.”
Die weermag, wat sedert Mubarak se bedanking in Februarie in beheer is, het beloof dat die parlementêre verkiesings wat vir later die jaar geskeduleer is, nie onder ‘n noodtoestand sal plaasvind nie.
– Volg Nuus24 op Twitter.
- Sapa - AFP