Nóg 3 sterf in Nigeriese aanvalle
2012-01-05 23:03
Maiduguri – Die polisie het gesê dat drie mense dood is in aanvalle wat moontlik deur ‘n sekte uitgevoer is, ondanks die feit dat ‘n noodtoestand in die noordooste van Nigerië uitgeroep is.
Simeone Midenda, hoof van die polisie in die Borno-staat, het Woensdag gesê twee vermeende lede van Boko Haram, ‘n Islamitiese sekte, het die hoof van die Shehuri-gebied in Maiduguri Dinsdagaand doodgeskiet.
Tanko Lawan, polisiehoof in die Yobe-staat, het gesê vermeende lede van die sekte het ook die hoof van die Damaturu-omgewing doodgeskiet.
Intussen is ‘n meisie tydens ‘n skietgeveg in die Jigawa-staat in die noorde van die land, waar die noodtoestand nie van krag is nie, doodgeskiet. Die sekte het 'n polisiestasie in die gebied aangeval.
– Volg Nuus24 op Twitter.
- Sapa - AP