Nigeriese universiteit sluit weens bomdreigemente
2011-07-12 17:17
Maiduguri – ‘n Openbare universiteit het gesê hy gaan vir ‘n onbepaalde tyd sy deure toemaak nadat hy bomdreigemente van ‘n radikale Moslem-sekte in die noordooste van Nigerië gekry het.
Ahmed Mohammed, ‘n woordvoerder van die universiteit van Maiduguri, het Dinsdag gesê die universiteit kon nie meer die veiligheid van sy 35 000 studente waarborg nie.
Die universiteit het glo twee briewe van ‘n radikale sekte, bekend as Boko Haram, ontvang wat die instituut met bomaanvalle gedreig het.
Boko Haram, wat “westerse onderrig is kerkskendery” in die plaaslike Hausa-taal beteken, is vir die afgelope jaar verantwoordelik vir die moord op veiligheidsbeamptes en plaaslike leiers in die omgewing.
– Volg Nuus24 op Twitter.
- Sapa - AP