Nigerië: vermeende sekte-lede in hegtenis
2011-07-05 19:58
Abuja – Nigerië se veiligheidsdienste (SSS) het Maandag meer as 100 vermeende lede van die radikale Islamitiese sekte Boko Haram in hegtenis geneem en ‘n vlaag bomaanvalle stopgesit.
Guerrilla-aanvalle op polisiekantore en sluipmoorde deur gewapende mans op motorfietse het meer as 150 mense sedert die begin van die jaar in Borno gedood. Boko Haram het verantwoordelikheid vir die meerderheid van dié dade aanvaar.
“Suksesvolle veiligheidsoperasies het tot die inhegtenisneming van sommige geïdentifiseerde belangrike bevelvoerders en lede van Boko Haram in Bauchi, Borno, Kaduna, Kano, Yobe en Adamawa gelei,” het die SSS in ‘n verklaring gesê.
Die sekte het erken hy is verantwoordelik vir die vroeëre motorbomontploffing buite die nasionale polisie se hoofkwartiere in Abuja.
– Volg Nuus24 op Twitter.
- Reuters