Nigerië: Twee dood tydens ontploffing
2011-06-28 13:15
Kano - Twee meisies is dood en drie doeane-beamptes is beseer tydens ‘n ontploffing Maandag in die noorde van Nigerië.
Die oorsaak van die ontploffing, waarvoor niemand nog verantwoordelikheid geneem het nie, is nie bekend nie.
“Drie doeane-beamptes is ernstig beseer tydens die aanval terwyl twee jong meisies dood is,” het genl. Jack Okechukwu Nwobo, ‘n weermag-bevelvoerder in Maiduguri, gesê.
Volgens inwoners is daar egter 12 mense dood.
“Ek was 100 m van die doeane-brug af tydens die bomaanval. Dit was ‘n besige area. Ek het twee voertuie gesien wat die lyke weggevat het. Volgens my beraming is daar nie minder nie as tien mense tydens die ontploffing dood,” het Sheu Abdulkadir, ‘n inwoner, gesê.
Slegs die vorige dag is 25 mense in dieselfde dorp dood toe ‘n verdagte Islamitiese groep bomme in ‘n besige biertuin gegooi het en op die mense geskiet het.
- Volg Nuus24 op Twitter.
- Sapa - AFP