Nigerië: Samesprekings loop uit op dooie punt
2012-01-15 14:45
Abuja – Samesprekings tussen die Nigeriese regering en arbeidsvakbonde het Saterdagaand op 'n dooie punt uitgeloop, maar 'n vakbondleier sê 'n dreigement om olieproduksie om middernag te staak, is op ys geplaas.
"Ons het nog nie 'n ooreenkoms bereik nie," het Abdulwahed Omar van Nigeria Labour Congress ná die vergadering aan joernaliste gesê.
Op die vraag of hulle nou olievelde gaan begin sluit, het hy gesê "nee, ons vat die ding stadig. Ons gee vrede nog 'n kans."
– Volg Nuus24 op Twitter
- AFP