Nigerië: Moslems kap Christen-familie dood
2011-09-05 15:05
Jos – ‘n Groep jong Moslems in Nigerië se Plateau-staat het Sondag ‘n Christenfamilie van agt doodgekap nadat daar verlede week erge geweld tussen Moslems en Christene uitgebreek het, het plaaslike beamptes gesê.
Sedert verlede Maandag is meer as 40 mense in die gebied dood nadat ‘n groep Christene Moslems aangeval het wat die einde van Ramadaan in Jos gevier het.
Yiljap Abraham, ‘n woordvoerder van die Plateau-staat, het joernaliste na die huis in Tatu geneem waar die agt lyke van die familie steeds op die bebloede vloer gelê het.
Die polisie het Sondag in Riyom ook ‘n bom in ‘n mark gekry wat nooit ontplof het nie omdat die battery leeggeloop het, het sers. Willford Egwu gesê.
– Volg Nuus24 op Twitter.
- Reuters