Nigerië: Hof weier om stemme oor te tel
2011-11-01 22:00
Abuja – ‘n Nigeriese hof het die opposisie se versoek om die stemme oor te tel van die April-verkiesing wat pres. Goodluck Jonathan gewen het, van die hand gewys en beskou die uitslae as finaal.
Jonathan het die verkiesing op 16 April met 59 % gewen, maar sy naaste mededinger, Muhammadu Buhari, wat slegs 32 % gekry het, weier om die uitslae te aanvaar.
Buhari se CPC-party het in Mei ‘n petisie daarteen begin.
“Die petisie is ‘n mislukking en word van die hand gewys,” het Justice Kumai Akaahs aan die hof gesê. Dit was die besluit van die vyf regters wat die saak aangehoor het.
Die CPC reken dat die tel van stemme deur onreëlmatighede belemmer is.
– Volg Nuus24 op Twitter.
- Reuters