Nigerië- Die nagevolge
2009-08-03 14:51
Maiduguri, Nigerië- Polisie in die Noorde van Nigerië het ‘n ondersoek geloods om te bepaal hoe ‘n plaaslike Islamitiese sekte daarin kon slaag om die land in ‘n golf van vrees vas te vang.
Dit kom nadat sowat 700 persone gesterf het tydens die onluste verlede week.
Die drama het Vrydag tot ‘n einde gekom toe weermagtroepe die leier van die radikale Islamiete doodgeskiet het.
Mohammed Yusuf is gevang toe troepe op Militante van die Radikale Islamiete, wat in ‘n moskee in Nigerië vergader het, toegesak het.
Baie meen nou dat hulle die regering vooraf gewaarsku het dat dié sekte gevaarlik kan wees.
Die onrus het begin toe lede van sekte twee polisiekantore in Nigerië aangeval het. Die groep wat as Boko Haram, bekend staan het eers ‘n polisiekantoor in in Bauchi, noord van Nigerië, aangeval.
Nóg twee aanvalle het oornag in Yobe en Borno plaasgevind.
Geweld het vinnig oor die land versprei.
Plaaslike owerhede het Sondag die liggame van die slagoffers van die onluste in ‘n massagraf gegooi.
Die regering en departement van gesondheid het sowat twee dae lank gewerk om die strate weer skoon te kry.
Die polisie het reeds in die laaste paar dae sowat 20 verdagtes in hegtenis geneem wat moontlik aan die skete behoort het.
Die ondersoek duur steeds voor.
–Sapa, AFP