Nigerië: 9 sterf in aanval op dorp

2012-01-22 14:08

Lagos – Minstens nege mense het gesterf toe gewapende mans ‘n dorp in die noorde van Nigerië aangeval het, het ‘n tradisionele leier Sondag gesê.

Bukata Zhyadi, ‘n tradisionele leier van die etniese groep Sayawa, sê die aanval in Tafawa Balewa in die Bauchi-staat het oornag gebeur. Lede van dié groep is hoofsaaklik Christene.

“Sover het ons nege mense dood en 12 gewond,” het hy aan AFP gesê.

Hy het die aanval op die etniese Moslem-groep Hausa-Fulani geblameer.

Volg Nuus24 op Twitter

- Sapa - AFP