Nigerië: 49 Aangekla van moord
2010-03-11 08:54
Kaapstad – Die polisie in Nigerië het gesê dat altesaam 49 mense van moord aangekla sal word ná die bloedbad waarin meer as ‘n 100 inwoners Sondag gesterf het.
Die meeste verdagtes is Moslems van die Fulani-etniese groep, het Mohammed Lerama, ‘n polisiewoordvoerder gesê.
Altesaam 200 mense is in hegtenis geneem, sedert die moorde in die stad Jos plaasgevind het, het hy gesê.
Volgens die polisie het 109 mense, meestal Christene, in Sondag se massamoord gesterf.
Dié aanvalle kom nadat meer as 300 Moslems in Januarie in ‘n stad naby Jos, in ‘n soortgelyke aanval gesterf het.
Volgens beamptes patrolleer die polisie en troepe die omgewing om verdere geweld te vermy.
Ikechukwu Aduba, die polisiehoof, het Woensdag vir nog versterkings gevra.
Vir die volledige storie, besoek BBC News