Nigerië: 12 lyke in olie-delta gekry
2011-09-30 23:00
Lagos – Die Nigeriese polisie het 12 lyke in ‘n dorpie naby Nigerië se olie-delta gekry op dieselfde dag as wat hulle sewe ontvoerde mense in dié omgewing gered het.
Suleiman Abba, die polisiekommissaris in die Rivers-staat, het aan AP gesê dat die lyke in die dorp van Uni Ikata gevind is.
Die polisie is besig om te probeer uitvind wat die oorsaak van die sterftes was en het geen verdere inligting oor enige geweld in die omgewing nie, het Abba gesê.
Abba het gesê dat ‘n gesamentlike polisie, militêre en geheime polisie-eenheid die mense wat ontvoer is gered het en dat almal van hulle gesond is.
– Volg Nuus24 op Twitter.
- AP