Niger stem in referendum oor grondwet
2010-10-31 14:55
Niamey - Nigeryne sal vandag stem in 'n referendum oor 'n nuwe
grondwet, nadat 'n staatsgreep president Mamadou Tandja vroeër vanjaar
omvergewerp het.
Die voorgestelde grondwet sal perke aan presidensiële
termyne stel en lede van die militêre junta, wat die rebellie van 18 Februarie
gelei het, kwytskeld.
Tandja is uit die kussing gelig toe hy maande langer as sy
wettige mandaat in sy amp gebly het.
Niger het 'n lang geskiedenis van staatsgrepe en sommige
kritici twyfel of die nuwe grondwet werklik stabiliteit aan die land sal
gee.
- SAPA