Nestlé skort Zim-besigheid op
2009-12-23 18:31
Kaapstad - Nestlé het besluit om sy bedrywighede in Zimbabwe op te skort ná nóg dreigemente omdat hy sedert Oktober nie meer melk van Gushungo Dairy Estate, ’n plaas in die Mugabe-familie se besit, gebruik nie.
Volgens ’n berig van Business Day is die sluiting van die maatskappy se Zimbabwe-aanleg ’n tydelike optrede.
Nestlé het die inname van die sogenaamde “bloedmelk” stopgesit ná toenemende internasionale druk omdat die plaas as deel van die omstrede Zimbabwiese grondonteieningsprogram bekom is. Hy het ook verduidelik dat hy geen permanente kontrak met Gushungo gehad het nie het.
Vir die volledige berig, besoek landbou.com
* Intussen berig Sapa dat Mugabe Nestlé se besluit as 'n "oorreaksie" bestempel het wat "meer aandag en gesprekvoering" verg.