Nege dood in aanval in Nigierië
2011-09-09 12:13
Jos – Nege mense, insluitend sewe broers en susters, is dood tydens ‘n aanval op ‘n Nigeriese dorp in ‘n omgewing wat erg deur geweld geraak word, het ‘n regeringsbeampte Vrydag gesê.
“Nege mense is tydens ‘n aanval dood. Agt van hulle was van dieselfde familie, ‘n pa en sewe van sy kinders,” het Pam Ayuba, ‘n woorvoerder vir die Plateau-staat se goewerneur, gesê.
Vyf van die mense wat dood is, was jonger as tien jaar, het hy gesê.
Die aanval het in Barkin Ladi net buite Jos, ‘n omgewing wat deur ‘n hoofsaaklik Christen-etniese groep gedomineer word, plaasgevind.
Dié gebied het die afgelope paar jaar gebuk gegaan onder ‘n vlaag geweld tussen Christelike en Moslem- etniese groepe wat honderde reeds gedood het.
– Volg Nuus24 op Twitter.
- Sapa - AFP