Nege dood, 40 vermis nadat boot sink

2010-06-10 00:19

Maputo – Minstens nege mense is dood en 40 ander vermis nadat ‘n boot naby die kus van noordelike Mosambiek gesink het, het ‘n polisiewoordvoerder gesê.

Die polisie glo dat die vermiste mense waarskynlik ook dood is.

Die woordvoerder Pedro Cossa het aan Radio Mozambique vertel dat 33 mense van die wrak af gered is naby die kus van die noordelike provinsie van Cabo Delgado.

Volgens hom was al die passasiers Somaliërs.

Volgens Cossa is die polisie steeds op soek na die vermiste mense.

Volg Nuus24 op Twitter.

- Sapa - AP