Navo-aanval dood glo Gaddafi se seun
2011-08-05 09:43
Benghazi – Libiese rebelle het Vrydag gesê Muammar Gaddafi se seun, Khamis, en 32 ander mense is tydens ‘n Navo-aanval op ‘n beheerpunt in Zliten, in die weste van Libië, dood.
Mohammed Zawawi, woordvoerder vir die Verenigde Revolusionêre Magte, het gesê hy het die inligting by spioene in Gaddafi se regime gekry en dat dié bronne Khamis se dood bevestig het.
"Daar was in die nag 'n Navo-lugaanval op Gaddafi se beheerkamer in Zliten en sowat 32 van sy troepe is dood. Een van hulle is Khamis," het Zawawi gesê.
– Volg Nuus24 op Twitter.
- AFP