Nasionaliteite van vermoorde toeriste bekend
2012-01-18 16:57
Addis Ababa – Ethiopië het Woensdag gesê vier van die vyf toeriste wat in die noordooste van die land vermoor is, was Europeërs en die vyfde was ‘n Australiër.
Ethiopië het Eritrea daarvan beskuldig dat hy die aanvallers ondersteun.
“Terroristegroepe wat deur die regering van Eritrea opgelei en bewapen word, het die grens oorsteek en die toeriste aangeval,” het Bereket Simon, ‘n regeringswoordvoerder, gesê.
“Sover kon ons bevestig dat vyf toeriste deur die terroriste vermoor is. Een van hulle is ‘n Duitser en die ander is ‘n Belg, ‘n Hongaar, ‘n Italianer en ‘n Australiër,” het hy gesê.
Die toeriste is Maandag in die Afar-streek vermoor terwyl hulle die Erta Ale-vulkaan besoek het.
– Volg Nuus24 op Twitter.
- Sapa - AFP