Naomi, Taylor, Madiba en die bloeddiamant

2010-01-15 10:00

Den Haag. – Oudpres. Charles Taylor van Liberië het ná ’n dinee wat in 1997 deur oudpres. Nelson Mandela aangebied is, ’n “bloed­diamant” aan die ­Britse supermodel Naomi Campbell gegee.

Só het ’n aanklaer in Taylor se verhoor op aanklagte van oorlogsmisdade gister hier gesê. Volgens haar het Taylor talle bloeddiamante van rebelle in Sierra Leone gekry en sou dit in Suid-Afrika verkoop of vir wapens verruil.

Ná die dinee, waar hy en Campbell gaste was, het hy glo een van die diamante na Campbell se hotelkamer laat stuur. Taylor ontken dit. 

Sapa-AFP en Die Burger