Namibië: Italiaanse toeris dood in ongeluk
2011-08-17 20:07
Windhoek – ’n Italiaanse vrou (66) is Maandag in ’n ongeluk met ’n Land Cruiser-voertuig buite Bethanie dood en agt Italiaanse toeriste is ernstig beseer, berig die Republikein.
Volgens inspekteur Maryne Coetzee van die polisie op Keetmanshoop is die Italiaanse vrou, Rosangela Ubezio, op die toneel dood.
Ernstig beseerde passasiers is Maandagaand en Dinsdag met noodvlugte van E-Med Rescue 24 vanaf Keetmanshoop na Windhoek geneem vir noodbehandeling in private hospitale in die hoofstad.
Die ongeluk het Maandag ná 12:00 sowat 6 km buite Bethanie op die C14-grondpad tussen Bethanie en Helmeringhausen plaasgevind.
– Lees die volledige artikel by die Republikein.
– Volg Nuus24 op Twitter.