Namibië: Bejaarde boer grusaam vermoor
2011-12-01 15:00
Windhoek – Die vasgebinde lyk van ’n bejaarde boer van die Rehoboth-omgewing in Namibië is Dinsdagoggend sowat 150 m van sy plaashuis deur die polisie ontdek, het die Republikein Donderdag berig.
Ernst Jacobus Cloete (73) se hande en voete was met toue agter sy lyf vasgebind.
Sy lyk is Dinsdag omstreeks 10:00 deur die polisie gevind waar dit versteek onder gras en takke sowat 150 m vanaf die plaashuis gelê het. Sowat 50 m verder het sy bakkie verlate gestaan.
Cloete het die afgelope ses jaar voltyds met skape, bokke en beeste geboer op Drie Rivier, dorpsgronde wat deur die dorpsraad verhuur word en sowat 10 km suidoos van Rehoboth geleë.
– Lees die volledige artikel op die Republikein.
– Volg Nuus24 op Twitter.