Nairobi-bomme: President van Kenia reageer

2010-06-14 15:39

Nairobi – President Mwai Kibaki het ‘n noodvergadering met die land se sekuriteitshoofde byeengeroep na aanleiding van die bomontploffing waarin ses mense oorlede is.

Ses mense is dood en omtrent 100 mense is beseer toe twee bomme Sondagaand by ‘n politieke byeenkoms in Nairobi ontplof het.

“Die president het ‘n sekuriteitsvergadering byeengeroep om die situasie te bespreek,” het adjunk-president Kalonzo Musyoka gesê.

“Ons wil die saak oplos en doen ‘n beroep op alle Keniaanse burgers om kalm te bly terwyl die polisie ondersoek instel.”

Die politieke saamtrek was georganiseer in weerstand teen die voorgestelde konstitusie in Kenia.
 
Volg Nuus24 op Twitter

- AFP

Gee jou mening oor hierdie gesprek - lewer hieronder kommentaar