Nairobi: Een dood, minstens 42 beseer na ontploffing
2011-06-06 15:43
Nairobi - Minstens een mens is dood en sowat 42 is beseer na ‘n misterieuse ontploffing in die middestad van Nairobi, Kenia.
“Die ontploffing het ‘n lewe geëis en 42 mense is in die hospitaal opgeneem met verskeie beserings,” het provinsiale polisiehoof Antony Kibuchi gesê.
Die polisie in die land het nie bekendgemaak of die ontploffing in die hoofstad weens ‘n bom was nie, maar Kibuchi het gesê ‘n verslag sal Maandag uitgereik word.
“’n Voorlopige verslag sal deur die loop van die dag uitgereik word,” het hy gesê.
Die kragtige ontploffing het geboue en motors op die Kiniryaga-pad beskadig.
Volg Nuus24 op Twitter.
- Sapa - AFP