Mutassim Gaddafi steeds op vrye voet
2011-10-13 15:58
Sirte – Gerugte dat Mutassim, een van Muammar Gaddafi se seuns, in hegtenis geneem is, is onwaar en hy is nog soek, het ‘n senior militêre bevelvoerder in Sirte Donderdag gesê.
“Dit is nie waar dat Mutassim gevang is nie,” het Wesam Bin Hamid, ‘n bevelvoerder van die Martelaars vir ‘n Vry Libiese Brigade, een van die nuwe regering se hoofeenhede in Sirte, gesê.
“Maar van die gevangenes wat ons gevang het, sê dat Gaddafi in Sirte is,” het Bin Hamid gesê.
Abdelkarim Bizama, ‘n top-adviseur vir die nuwe Libiese regering, het Woensdag in Tripoli gesê dat Mutassim, wat as Gaddafi se nasionale veiligheidsraadgewer gedien het, in aanhouding is.
– Volg Nuus24 op Twitter.
- SAPA