Mugabe verdedig wet van swart sakelui
2010-02-22 09:26
Harare - President Robert Mugabe het ‘n wet wat vereis dat besighede in Zimbabwe deur swart burgerlikes beheer word, verdedig.
Mugabe het verskille met sy premier Morgan Tsvangirai blameer nadat Tsvangirai gesê het dié wetgewing sal baie nodige beleggings ontmoedig.
Dié wet is in 2008 deur die parlement goedgekeur en sal op 1 Maart vanjaar in werking tree.
"Ons verskil in ideologieë, maar ek sê laat die mense van dié land besit wat geregtelik hulle s’n is,” het Mugabe gesê.
- News24