Mugabe spandabelrig in Hongkong
2010-08-16 10:28
Beeld
Hongkong – Pres. Robert Mugabe van Zimbabwe het duur pakke klere en skoene in Hongkong, waar sy dogter studeer en hy eiendom besit, gekoop.
’n Span plaaslike polisiebeamptes het Mugabe op sy inkopietog in die stad se Kowloon-distrik vergesel.
Die Verenigde Nasies se voedselagentskap het gesê 133 000 ton voedsel is nodig om 1,68 miljoen Zimbabwiërs tussen nou en die volgende oes in Mei aanstaande jaar te help.
Sy dogter, Bona, studeer rekeningkunde aan die Universiteit van Hongkong.
Hy besit ’n huis in die distrik New Territories aan dié stad se buitewyke.
Mugabe het Woensdag by die wêreld-uitstalling in Sjanghai China bedank vir sy bystand om Zimbabwe van onder meer kos en landboukundige toerusting te voorsien, aangesien “die slegte weer ons oeste geraak het”.
- Beeld