Mugabe sal ANC-eeufees bywoon
2012-01-04 18:23
Kaapstad – Pres. Robert Mugabe van Zimbabwe, pres. Goodluck Jonathan van Nigerië en die nuutverkose staatshoof van Zambië, Michael Sata, is onder die 40 staatshoofde wat tot dusver bevestig het dat hulle vandeesweek die ANC se 100-jarige herdenking in Bloemfontein sal bywoon.
Die ANC sê oudstaatshoofde wat daar sal wees sluit in Jerry Rawlings en Kenneth Kaunda van Zambië, sowel as eerwaarde Jesse Jackson van die VSA, het RSG berig.
Volgens Baleka Mbete, hoof van die ANC se feestaakspan en nasionale voorsitter, sal verskeie bekende kunstenaars ook deel wees van die verrigtinge.
Volgens plaaslike media sal toegang tot die lugruim om Bloemfontein tussen 5 en 10 Januarie streng beheer word. Lugverkeer sal na verwagting heelwat hoër as gewoonlik wees.
Die feesvieringe begin Vrydag.
Volg Nuus24 op Twitter